Geltrude tzèrriat a su fillu Marieddu
Geltrude: Nara marieddu, in sa gàbia mancat su papagallu, Si podit sciri aund’est finiu?
Marieddu: No ndi sciu nudda. Non inculpis a mei, Coment’e sempri.
Geltrude: E insandus spiega ita fini at fatu?
Marieddu: Bho. Sciu scèti, ca prima, apu intèndiu su pisitu fueddendi!
.........................................................................................................................................
Alfonsu discutendi cun Filipu
Filipu: Furbixeddu dotor corroveri.
Alfonsu: Poita, it’at cumbinau?
Filipu: Chi ti parrit nudda. Prima fait spollai is pobiddas e a pustis mandat su contu a is pobiddus!
................................................................................................................................................
Mundinu, su babbu de marieddu, est fueddendi cun sa maista
Mundinu: E insaras sa maista, comenti est andendi marieddu? Est studiendi, fait a bravu?
Sa maista: Si su piciocheddu ge est bravu e stùdiat puru, perou chiàchera tropu e fait burdellu.
Mundinu: Est unu vìtziu de famìlia. Ita ch’intendit sa mamma!
................................................................................................................................................
Rinu est in dd’una boutique po si comporai una camisa
Su cumissu: Comenti dda bolit sa camisa? Ddi praxit coment’e sa chi portu deu?
Rinu: Si, ge mi praxit. perou dd’ia a boli cun su tzugu prus puliu! E in prus mi bollu provai cussus cratzonis in vetrina.
Su cumissu: Si, andat beni. perou si ddus depit provai in su camerinu, non in sa vetrina!
.................................................................................................................................
Paulu est intrau in dd’una profumeria
Paulu: m‘iat a serbì unu flaconcinu de “brillantina Linetti” perou sbuidu.
Su profumieri: Sbuidu? E ita si ndi fait?
Paulu:Ccertu. Ita ddi parrit stranu? Ma no ddu bit ca portu seu chene pilus, a conca spinniada?
....................................................................................................................................
A Marieddu dd’ant donau sa pagella e foras de scola incontrat s’amighixeddu Mirku
Mirku: E insandus marieddu, Ita mèdia ast’arragiuntu?
Marieddu: 20 kilometrus a s’ora!
Mirku: Ma ita stocada de mèdia est?
Marieddu: Sa mèdia giusta po no mi fai cassai de babbu candu at a bit is votus!
..........................................................................................................................
Est istadi forti e Giomaria est pighendi s’umbra asuta de su campanilli de cresia. Arribat s’amigu emigrau Pierfrancu
Pierfrancu: Comenti stais? Ita parrit, est fadendi basca berus?
Giomaria: Est po cussu chi seu innoi, Pighendi umbra de campanili ca est gràtis. Ca c’ est crisi. Ca seu disocupau.
Pierfrancu: C’est crisi in continenti puru: ma non andas a mari?
Giomaria: No fait. ti dd’apu nau ca seu in crisi. Deu m’arràngiu mancai cun dd’una aciuga.
Pierfrancu: Cun dd’una aciuga? E ita fais?
Giomaria: Certu. Sigumenti no potzu andai in vacantza. Po arrespirai unun pagheddu de ària de mari. pongu un aciuga ananti de su ventiladori!
......................................................................................................................................................
Unu cundannau a morti prima de essi portau a essi impicau est fueddendi cun su bòia
Su bòia: Prima de s’esecutzioni, comenti fadeus cun totus, podis nai s’ùltimu disìgiu chi ti ndi bolis pigai. naraddu ca provedeus luegus
Su cundannau: apu disigiau unu bellu pratu de cordolinu. Ca prima de oi, non apu mai tentu su coràgiu de ndi papai!
.........................................................................................................................................................
In dd’unu pollàiu su meri est arrenneghendi cun dd’una pudda
Su meri: Si sighis a fai arrennegai, ti serru aintru de sa gàbia e no ti fatzu prus passillai in foras in pratza.
Sa pudda: Bravu tui! insadus ti nau ca si tui fais aici, deu po dispetu no ti fatzu prus is ous!
Su meri: E deu ti tiru su tzugu! Boleus biri a chi at a cumbeni!
................................................................................................................................................
Gabrieli est est passillendi cun Giampandrea
Giampandrea: Seu totu totu prenu de doloris in dònnia punt’e ossu.
Gabrieli: Tocat a fai movimentu, po poni in funtzioni is mùsculus.
Giampandrea: Bastit chi no fatzas comenti de nonna mia.
Gabrieli: Poita it’at fatu?
Giampandrea: Po nanca si poderai in forma, de candu teniàt ottant’annus, fadiàt a pei cincu kilomtrus a sa dì.
Gabrieli: Biada. Bellu meda.
Giampandrea: Ma cali biada. Oi de annus ndi depiàt teni norantatres e ancora non est torrada a domu. e chini scit cantu kilometrus at ai fatu!
