Afrorismas po genti coiada

di Gigi Tatti
-S’esèmpiu prus mannus de tolleràntzia est s’anniversàriu de matrimòniu. ………………………………………………………………………………………………………………………………… - In su matrimòniu is prus durus funti is primus annus, a pustis arribant is peus. ………………………………………………………………………………………………………………………………… - Is bagadius connoscint is fèminas prus de is coiaus, est po cussu chi funt abarraus bagadius. …………………………………………………………………………………………………………………………………… - Prima de si coiai cumbenit a portai is ogus abertus, a pustis tocat a ndi serrai unu scèti. …………………………………………………………………………………………………………………………………… - Su matrimòniu ti fait cumprendi ca fadiàt a ndi fai de mancu. ……………………………………………………………………………………………………………………………………………………………… - A si coiai est una cosa sèria, est po cussu chi tocat a ci pensai totu sa vida. ……………………………………………………………………………………………………………………………………………………………….. - Su matrimòniu est comenti de candu ses papendi in dd’unu ristoranti, su chi papant is atrus ti parrit sempri mellus de su chi ses papendi tui.

- Po fai una  bella còia, bisòngiat a acopiai unu tzurpu cun dd’una muda. ………………………………………………………………………………………………………………………………………………………………….. - Sa fedeltadi de una fèmina est candu non est richièdia. ………………………………………………………………………………………………………………………………………………………………….. - Is bagadius lègius si dd’ant scampada bella! …………………………………………………………………………………………………………………………………………… - A is bagadius praxint is fèminas coiadas, a is coiaus cussas bagadias. …………………………………………………………………………………………………………………………………………… - Su coiau est unu presoneri pentiu! ……………………………………………………………………………………………………………………………………………… - Is corrus crexint in famìlia. ……………………………………………………………………………………………………………………………………………… - Su matrimòniu est unu campu seminau de corrus. ………………………………………………………………………………………………………………………………………………. - S’aneddu de sposalìtziu est su primu aneddu de sa cadena. …………………………………………………………………………………………………………………………………………….. - Is matrimònius funt sa cassaforti de is abogaus. ………………………………………………………………………………………………………………………………………………. - S’òmini po si consolai tzèrriat corrudu a su boi. ………………………………………………………………………………………………………………………………………………….. - Po culpa de  su matrimòniu ant inventau su divòrtziu. ……………………………………………………………………………………………………………………………………………………. - Su matrimòniu est comenti de sa prata, dònnia tanti tocat lucidau. …………………………………………………………………………………………………………………………………………………….. - Sa cadena de su matrimòniu est aici pesanti chi medas bortas tocat a essi in tres po da podi portai. …………………………………………………………………………………………………………………………………………………… - Sa viuda est una presonera liberada. …………………………………………………………………………………………………………………………………………………… - Su matrimoniu  de...  est coment’e su zinnìbiri, ca imbecendi s’afòrtiat.

© Riproduzione riservata

  • 02/03/2021