Sa vida in pagus fueddus

S’invidia nascit de una scarsa fidi in nous etotu, in is nostras capacidadis e possibilidadis economicas. …………………………………………………………………………………………………… Su rispetu po is atrus, bolit nai, puru, rispetu po  nos’etotu. …………………………………………………………………………………………………… Sa dii chi eus a cumprendi ca seus totus fradis, sorris, fillas e fillus de su stessu babbu, su mundu at a scoberri sa paxi vera. ………………………………………………………………………………………………… Chi unu stait beni cun issu etotu, stait beni cun is atrus puru. ………………………………………………………………………………………………… Depeus sempri teni presenti in sa menti, ca nosu seus su frutu e medas bortas is vitimas de sa cultura e de s’educatzioni arricidas. …………………………………………………………………………………………………. S’arrichesa vera, in sa vida, non est su dinai, ma sa saludi fisica e mentali. ………………………………………………………………………………………………………. Su coragiu est una forza interiori chi nascit de una grandu fidi in nosu etotu e in su valori nostru. ……………………………………………………………………………………………………… Po bivi in paxi cun nos’etotu, tocat a essi in armonia cun sa cuscientzia nostra. ……………………………………………………………………………………………………. Medas situatzionis, in sa vida, si podint cumprendi scéti  bivendiddas personalmenti. …………………………………………………………………………………………………… S’amori e s’egoismu funt duus sentimentus chi bivint impari. …………………………………………………………………………………………………….. A sa basi de dònnia raportu est fundamentali sa sinceridadi e sa fidelidadi. ……………………………………………………………………………………………………… Unu traguardu meda importanti, in sa vida, est arrennesci a teni su controllu de su corpus e de sa menti. …………………………………………………………………………………………………….. Totu cussu chi non est unioni est separatzioni. ……………………………………………………………………………………………………. Prus esperientzias si faint in sa vida, prus sa menti s’aberrit e si àmpliat sa visioni de su mundu. …………………………………………………………………………………………………… Su scopu veru de s’esistèntzia nostra e de totus is èssiris biventis, est sa riprodutzioni e sa perpetuatzioni de s’arratza. …………………………………………………………………………………………………….. Prima de giudicai is atrus,  depeus giudicai a nos’etotu. ……………………………………………………………………………………………………. Candu c’est unu chi perdit, c’est sempri unu chi guadàngiat. ……………………………………………………………………………………………………. Is milliardarius, in su mundu, funt is primus responsabilis de sa  morti de milliaias de personas chi bivint in sa miseria e chi morrint dònnia dii po causas de fàmini gherras e de maladias. …………………………………………………………………………………………………… Chi unu currit tropu, in sa vida,  arriscat de arribai meda prestus a su traguardu finali cosa sua. …………………………………………………………………………………………………… Sa fiducia in nos’etotu, s’agiudat e si donat sa fortza po afrontai e superai is ostàculus de sa vida. ……………………………………………………………………………………………………. Cussu chi est importanti non funt is sfueddus, ma is atzionis e is risultaus. …………………………………………………………………………………………………….. Bivi sa vida, dii po dii, bolit nai bivi prus de una vida. ……………………………………………………………………………………………………. S’inniorantzia est una cosa chi appartenit a totus, chene distintzionis; nisciunus, in sa vida, est in gradu de sciri dònnia cosa. …………………………………………………………………………………………………… Chi calincunu ti narat ca ses un’innioranti, sa risposta giusta, chene sidda pigai, est: tenis arrexoni! ……………………………………………………………………………………………………… Teniri su coragiu de nai sempri cussu chi si pensat, dimostrat una grandu fortza interiori e fiducia in nos’etotu. Su rispetu po is atrus, in su cunfrontu tra is ideas e is puntus de vista, dimostrat maturidadi e cuscientzia de is lìmits cosa nostra. ……………………………………………………………………………………………………….. S’egocentrismu, chi fait parti de sa natura umana, est un’istintu chi spingit sa persona a si poni in mostra, a su centru de is atentzionis e a dominai asuba de is atrus; e donnia cosa chi fait, dda fait po iss’etotu. ………………………………………………………………………………………………………… Costruiri pontis invècias che murus, est s’unicu modu po evitai chi si ripitant, in su mundu, is disastrus chi ant sinnau sa storia de s’umanidadi. ………………………………………………………………………………………………………… S’onestadi est unu valori indispensàbili, chi fait de tui una persona sincera e leali, chi rispetat is atrus e is sanus fundamentus de sa sotziedadi e de sa vida. ………………………………………………………………………………………………………… Sa disonestadi bolit nai mancantzia de dinnidadi, de rispetu po is atrus, po is valoris moralis, e puru po nos’etotu. ………………………………………………………………………………………………………… Candu non stadeus beni fisicamenti, depeus sempri pensai a chini stait meda peus de nosu; s’at a fai intèndiri unu pagu mellus. ………………………………………………………………………………………………………… In su mundu, de sempri, cumandant e movint is filus, cussus chi tenint su poderi economicu; e funt meris puru de sa vida nostra. ………………………………………………………………………………………………………. Candu si chistionat de s’arti, tocat a teni presenti ca s’arti vera est sa natura; e nosu, de sempri, non fadeus atru che copiai is bellesas cosa sua, chi funt giai cuadrus, sculturas e operas prontas po èssiri amiradas. …………………………………………………………………………………………………….. Sa timoria est unu turbamentu naturali, nostru e de totus is animalis de sa Terra, chi serbit po si poni in guardia e po afrontai, cun atentzioni, totus is perìgulus chi s’incontrant in sa vida. ……………………………………………………………………………………………………… Sa sperantzia est unu sentimentu chi ti donat sa forza po andai ainantis, de fronti a is dificultadis chi si depint afrontai; candu issa morrit, morrit totu. ……………………………………………………………………………………………………… Candu sindi scidaus su mangianu, sa prima cosa chi depeus pensai est ca, gratzias a Deus, seus ancora bius e ca sa vida est su donu prus bellu chi eus arriciu e bandat bivia dii po dii cun d’unu spiritu positivu, prenu de sperantzia e de serenidadi. Ermanno Garau

© Riproduzione riservata

  • 22/12/2018