“Che popolo è quello che non ricorda i suoi Padri più illustri? “ È la domanda che ci siamo posti guardando all’onomastica stradale delle nostre cittadine, quando va bene in essa, “i nostri Padri più illustri”, sono ricordati nelle vie secondarie, e solo alcuni di essi. Nel 2020 abbiamo dedicato il calendario agli avvenimenti che hanno segnato il destino della nostra terra, quindi ci sembrava logico, anche per rispondere alla domanda precedente, parlare quest’anno dei sardi che per impegno politico e sociale ci hanno lasciato un segno indelebile…
Est cun custus fueddus chi si presentat su calendàriu 2021 chi sa Consulta Cultura e Lìngua Sarda de Sàrdara proponnit ocannu cun Pro Loco e Comunu. Su calendàriu, mancai sa premissa siat in italianu, est giai totu in sardu. Is òminis e fèminas arregordadas funt is chi, pruschetotu politigamenti, ant circau de fai su beni de is sardus, a bortas paghendi-ddu a su prètziu prus caru; unu prètziu pagau po ai cumbàtiu po is ideas insoru e ai sfidau su poderi autoritàriu e abbetiosu chi sa stòria no s’at mai fatu mancai. Custu trabballu duncas dd’eus fatu siat po torrai gràtzias a is Babbais (e Mamais) Mannus nostus e siat po arregordai a is sardus ca issus puru tenint una stòria (e fintzas longa meda): cosa chi no iat a parri castiendi unu lìbburu de scola de is elementaris, mèdias e superioris, ca de is sardus e sa Sardìnnia no ddoi at giai nudda*. Ocannu po mori de sa pandemia su calendàriu no dd’eus pòtziu presentai pubblicamenti comenti s’iat a essi pràxïu e duncas ddu faeus in is pàginas de custu giorronali. Un’omàgiu spetziali dd’eus bòfiu fai a is fèminas chi in dònnia tempus ant sacrificau cun umilesa, bortas meda citidas, e su chi seus, in su beni e in su mali, ddu depeus a Issas puru. Su calendàriu che sèmpiri est cuncordau e arricau de is vinnietas stravanadas de Daniele Conti e Aldo Garau, vinnietas sèmpiri irònicas chi a bortas sucant arrisu cun croxolu. Su calendàriu est a coloris, fatu cun paperi bellu, tenit tràgiu simpli e gallosu, elegante: est bellu de biri, e apicau fait sa figura cosa sua. Custu trabballu puru no boleus chi abarrit acorrau aìnturu de is làcaras de Sàrdara, ca sa stòria est sienda de totu is sardus; e duncas dd’eus a donai a scolas e istitutzionis de su territòriu puru. Sa spera est chi potzat serbiri po apretai polìtiga e scola po arreconnosci a is sardus su deretu a s’esistèntzia culturali insoru.
Su siddu de s’Acadèmia de su Sardu Onlus assegurat unu sardu bellu e sentzeru.
Is chi funt interessaus podint cuntatai:
Sardara Consulta Cultura e Lìngua Sarda Facebook o Pro Loco Sardara Facebook
*Depeus sèmpiri torrai gràtzias a cussus docentis cuscientziosus chi in su trabballu insoru faint contu de sa terra anca bivintConsulta Cultura Lìngua Sarda de Sàrdara
