>
A pustis medas annus si torrant a incontrai in spiàgia is amigas Marilena e Stella
Stella: Mi fait tropu prexeri a t’incontrai.
Marilena: A mei puru. In prus apu scìpiu ca ti ses puru coiada.
Stella: eja. S’annu passau.
Marilena: E comenti andat sa vida de coiada? Ses prexada? Ita trabalu fat pobiddu tuu?
Stella: Est unu musicista fait su trombettieri.
Marilena: Bellu meda. Insaras sempri mùsica in domu.
Stella: Insoma. Non est miga sempri aici. Antzis meda bortas est puru scocianti.
Marilena: E no mi ddu neris. E poita est scocianti?
Stella: Poita in bixinau no funt tropu prexau. A mangianu si ponit in sa ventana, sonat s’adunata e ndi scidat a totus. Arenenotti sonat su silèntziu po ndi studai is televisionis.
Marilena: Insandus est unu bellu segamentu de strèxiu. Ma a su mancu a lettu essendi tromebetieri ge at essi bravu sonendi sa tromba.
Stella: Infati inguni ge sonat sa tromba, ma cussa de is nàdias perou!
Marilena: Ge non est nudda. E fadendi s’amori comenti est?
Stella: Ti ddu nau sene brègungia. Trombat tropu pagu! E puru cun pagus notas!
................................................................................................................................................................
Venantziu est in ddu ristoranti famosu sardu
Su camerieri: Beni beniu. Ecu su menù ma mi permitu de ddi consillai sa specialidadi nostra.
Venanziu: Andat beni. acetu su consillu. Cali est sa specialidadi ?
Su camerieri: Sa quàglia arrotolada cun murta.
Venanziu: Bellu meda. Arroba rùstica sarda. Andat meda beni ! Vada con la quaglia!
Su camerieri: (torrendi cun sa portada) Ecu a fostei, e bonu apetitu.
Venanziu: (tzerriendi su camerieri) Prima de totu ddi depu nai, ca sa quàglia depiàt essi ancora bia. poita si dd’at squagliada luegus, cun dd’una folla de murta in su bicu!
...........................................................................................................................................................
Una signora totu eleganti intrat in dd’ unu “Sex Shop” totu tremi, tremi
Sa signora: Bolia sciri si bendeis vibradoris.
Su cumissu: Certamenti signora. Cantu ndi bolit!
Sa signora: Nossi, manc’unu! Est, ca bolia sciri si fadeis puru manutentzioni a vibradoris usaus chi funtzionant mali!
………………………………………………………………………………………………………………………………………………………………
Bernarda at incontrau s’amiga Porfidia
Porfidia: Apu intèndiu ca ti ses lassada cun Mariu, ma est berus?
Bernarda: Eja, ge est berus.
Porfidia: Ma poita? Mi parriàt unu bravu piciocu.
Bernarda: Si, ma fiat tropu maleducau. Pensa ca papàt sa pastasciuta cun sa manu sinistra.
Porfidia: Balla, ge ses pagu permalosa. E ita ddi fai chi si dda papàt cun sa manu mancina.
Bernarda: Si cussu giai. Ma su fatu, est ca non usat frochita!
.................................................................................................................................
Anninu at invitau a Rosilde a papai in ristoranti
Rosilde: T’avisu ca no potzu bufai meda binu?
Anninu: Ma poita no podis bufai binu?
Rosilde: Poita tengu unu problema a is cambas.
Anninu: E ita, ti gònfiant?
Rosilde: No, mi ddas fait aberri.
Anninu: Bellu. Abeta insaras, ca tzèriu su camerieri (tzerriendi): “mi porti altre due bottiglie di vino!”
......................................................................................................................................................
Unu dentista est fueddendi cun dd’unu clienti
Su dentista: Ddu depu avisai, ca su dinai chi ariseu m’at donau po pagai su traballu, fut falsu!
Su clienti: Poita, sa dentiera chi fostei m’at postu, ita fiat vera?
..........................................................................................................................................
Sandrinu incontrat s’amigu Luisu
Sandrinu: Ge ses prexadeddu, ma aundi ses currendi?
Luisu: Seu andendi a fueddai su meri de sa domu aundi bivu.
Sandrinu: Ita tenis problemas?
Luisu: Càstia tui! Ddoi tengu s’umididadi, chi no nci arrenèsciu a mi ndi scabulli.
Sandrinu: Stranu, ma chi bivis a su segundu pianu. Comenti fais a ddu nai?
Luisu: Ddu nau, poita custu mangianu apu biu unu mugheddu pesencinci ne is scalas e intrencinci a domu!
...............................................................................................................................................................
Ettore incontrat a pusti medas annus s’amigu Terzanu chi est passillendi cun dd’una bella picioca
Ettore: Complimenti seis pròpiu una bella còpia, beni acopiada.
Terzanu: Grazie. Si ddu nanta totus.
Ettore: De cantu tempus seis coiaus?
Terzanu: Deu de ot’annus, e issa de cincu!
............................................................................................................................................................
Rinaldu est chistionedi cun sa pobidda Amelia
Rinaldu: Naramì una cosa, ma tui ci creis ca a pustis sa morti c’est un atra vida prus bella?
Amelia: Certu ca ci creu! A pustis sa morti tua, po mei est prus bella de seguru!
...................................................................................................................................
Rinaldu est sempri discutendi cun sa pobidda Amelia
Rinaldu: Naramì un atra cosa.
Amelia: Fuedda puru. Ita bois sciri ancora?
Rinaldu: Ia boli sciri. Ita fais si deu mi nci andu de domu?
Amelia: Sa prima cosa chi fatzu, est cussa de cambiai sa serradura de sa porta!
.................................................................................................................................................
Fernandu est in giru, passillendi s’amigu Corradu
Corradu: Dd’apu sempri nau ca tui ses tropu fortunau cun is fèminas.
Fernandu: Cun is fèminas, tocat a dd’as scì pigai e tocat a ci scì fai.
Corradu: Ma tui, ita tàtica usas po ce dda fais arrui a is peis tuus?
Fernandu: Est fàcili, bastat ddis fai su sgambetu! E dd’as bis arrutas!
.......................................................................................................................................
Rosina est discutendu cun su piciocu Gerlandu
Gerlandu: Seu tropu arrennegau cun tui.
Rosina: Ma po cali motivu? Ita t’apu fatu?
Gerlandu: Arisenoti t’apu circau in totu is maneras. Ma aundi ses finia?
Rosina: No mi seu mòvia de domu.
Gerlandu: Poita non arrespondias a su telèfunu?
Rosina: Ddu tenia studau, poita, fia sene crèditu e fia a letu crocada.
Gerlandu: Bho? E comenti fatzu a ti crei, ca fias in domu tua crocada?
Rosina: Tranquillu. Ci depis crei. Tengu duus òminis testimòngius chi ddu podint cunfirmai!
........................................................................................................................................
Astolfu pinnicat a domu prim’e s’ora e agat sa pobidda crocada in su lettu cun dd’unu meda basciteddu
Astolfu: Brava ses ponendumì is corrus! Poita cun cussu basciteddu?
Sa pobidda: Poita ti bolia traisci a arrogheddus pitius.
.......................................................................................................................
Ligeriu est un òminimeda besciteddu, torrat a domu arenoti e agatat sa pobidda crocada cun dd’unu piciocu altu, altu
Ligeriu: Ma poita mi traixis cun d’unu altu aici. No ti andu beni deu?
Sa pobidda: No, no mi andas prus beni.
Ligeriu: Poita no ti andu prus beni? A pustis tantus annus ti nd’acatas oi.
Sa pobidda: Si. Mi ndi seu acatada, ca no ses prus a s’altesa.
................................................................................................................................................................
Cardillu est in su lettu morrendusì, sa pobidda est acanta de su lettu
Cardillu: Pobidda mia, ddu bis, seu acanta de mi morri, e tengu unu disagi.
Sa pobidda: Naramiddu, si fait, ap’a circai de t’acuntentai.
Cardillu: Ia boli sciri, chi est su babbu de s’ùltimu de is dexi fillus chi eus tentu.
Sa pobidda: Poita ddu bolis sciri?
Cardillu: Poita est ùnicu chi non assimbillat a nemus de is atrus fillus. Tanti seu in punt’e morti e imoi mi podis nai sa beridadi.
Sa pobidda: Insandus ti dda nau, ma perou no ti morras arrenegau.
Cardillu: Seu tropu curiosu. Naramiddu ca ge no m’arrennegu.
Sa pobidda: Insandus. S’ùltimu fillu chi eus tentu, non assimbillat a is atrus, poita est fillu tuu!
..........................................................................................................................................................
Marilda est certendi cun su pobiddu serinu
Marilde: Bravu. Ma poita oi ndi ses torrau mesu imbriagu?
Serinu: Poita apu spaciau su dinai.
Marilde: E ita c’intrat su dinai.
Serinu: Poita si no ia finiu su dinai, ndi fia torrau a domu, no mesu imbriagu, ma imbriagu totu!
© Riproduzione riservata