>
Lellu est fadendi sa dichiaratzioni de amori a Defenza
Lellu: Càstia Fefenza, seu seguru ca ci ap’a arrenèsciu a ti fai felici.
Defenza: chi imoi ti ndi andas de ananti, seu segura deu puru!
.......................................................................................................................................
Giampaulu est papendi in dd’una tratoria e tzèrriat su camerieri
Su camerieri: Mi dica. Est totu a postu?
Giampaulu: Ma cali totu a postu.
Su camerieri: Ita problemas ci funt?
Giampaulu: Su picioni arrustiu chi m’at portau, est ancora cruu.
Su camerieri: No podit essi! E poi, comenti fait a ddu nai?
Giampaulu: ddu nau, poita seu seguru!
Su camerieri: Si est seguru, narimì poita est seguru.
Giampaulu: Seguramenti est pagu cotu, poita su picioni est ancora movendi is alas in su pratu!
........................................................................................................................................
Unu cundannau a morti est ananti de su plotoni de esecutzioni, su colonellu est prontu po donai s’òrdini po sparai
Su colonellu: Prima de donai s’òrdini, tenis sa possibilidadi de pedì s’ùltimu disìgiu. Ita bolis fai?
Su cundannau: Prima de mi morri, apu disigiau de mi fumai una bella sigareta cun filtru.
Su colonellu: Andat beni. Ti fatzu portai una sigareta. Ma t’avisu, ca fumai fait mali a sa saludi!
........................................................................................................................................
Saveriu at incontrau amigu Mauru
Mauru: Einsandus comenti andat cun pobidda tua?
Saveriu: Tropu beni. Deu ge seu a postu. Seus foras de pari! E tui inveci?
Mauru: Nos ge seu ancora impari. Pobidda mia est una fata.
Saveriu: Biadu tui ca tenis una fata in domu.
Mauru: Ma cali beni! Est una fata poita mi cumandat a bacheta!
.................................................................................................................................
Jacopo est in dd’una “agenzia viaggi” e incontrat a Filippu
Filippu: Ita depis andai in vacanza?
Jacopo: Eja. Apu prenotau cun pobidda mia, po unu viàgiu in Marocco.
Filippu: Bellu logu. Ddoi seu andau deu puru, s’annu passau. Ma dona atentzioni po una cosa.
Jacopo: Daderus? Naramì ita cosa est, aici seu preparau.
Filippu: Dona atentzioni, ca inguni, si acetas, ti scambiant sa pobidda cun dd’unu cammellu.
Jacopo: Bellu meda! Su problema est ca no sciu aundi poni su cammellu candu torru a bidda!
........................................................................................................................................
Tziu Albericu est in farmacia
Su farmacista: Bongiorno tziu Albericu. Ita mexina ddi serbit?
Tziu Albericu: M’iat a serbì una bella scàtula de cussas pastilieddas asullas.
Su farmacista: Apu cumprèndiu ddis serbit su Viagra.
Tziu Albericu: Sissi pròpiu de cussas.
Su farmacista: Dda portat sa retzeta?
Tziu Albericu: Nossi. Ma ge portu sa fotografia de pobidda mia. Aici cumprendit poita mi serbit!
.......................................................................................................................................
Giasone est in “sala parto”, sa pobidda at partoriu unu pipieddu mulattu, a colori de ciucullati
Giasone: Seu tropu arrennegau cun tui. Ma comenti mai custu pipieddu est de custu colori?
Sa pobidda: Abarra tranquillu, ca ge est fillu tuu. Sa culpa est sa tua si est bessiu aici.
Giasone: Custa est una scusa! Ita nexi ndi tengu deu? Spiegamiddu!
Sa pobidda: Fiasta tui chi po m’arrinfortzai mi naras sempri de papai nutella dònnia dì!
........................................................................................................................................
Mafalda est streullendi a su pobiddu Dariu
Dariu: Ma ita tenis oi puru tzerriendi che una maca!
Mafalda: Seu tzerriendi ca no tenis gana de fai nudda.
Dariu: Ma ita ia depi fai? Naraddu sene tzerriai.
Mafalda: Depis ancora andai a acuai s’ortu
Dariu: Ma no ddu bis ca est proendi!
Mafalda: Si est proendi, ita ses cancarau de t’arregolli su paràcua?
© Riproduzione riservata