Mirandu est in dd’una Clìnica Su dotori: (castiendi is esàminis de su sànguni) A cantu biu, foste sunfrit de mancantza de ferru. Mirandu: Po mei est impossibili Su dotori: Poita mi narat ca est impossìbili. Mirandu: Poita de mestieri fazzu su ferreri!
Silvanu est papendi cun sa pobidda Armella Armella: Ma poita mi fais papai pani de tres diis? Silvanu: Poita naras sempri ca ti praxit sa cosa dura!
Silviu incontar s’amigu Pinucciu Pinucciu: M’at nau pobidda mia c’as arregallau a pobidda tua una pellìcia de visoni. Silviu: G’est berus. Ma prus che de Visoni est de visioni. Pinucciu: De visioni? Silviu: Si! De visioni poita si dd’apu fata biri in dduna vetrina.
Rosina est cun su piciocu Antiogu Antiogu: Dai basamì. Rosana: No. Mamma no bolit. Antiogu: Insaras ti basu deu, ca mamma ge bolit.
Toniu incontrat s’amigu Onorinu Onorinu: Saludi. Sciu ca fiasta a Lourdes cun pobidda tua. Berus est? Toniu: Eja g’est berus. Seus torraus ariseu. Onorinu: E miràculus. Toniu: No, nisciunu miràculu. Seu torrau cun pobidda mia!
Alfredu est in giru e incontrat a su fradìli Francescu Francescu: Ge ti biu pagu arrennegau a traballu saludas. Ma ita t’est capitau? Alfredu: Apu prestau dinai a unu e no mi dd’at ancora torrau. Francescu: Poita si dd’iasta prestau? Alfredu: Nanca ddi serbiàt po si fai una plàstica faciali. Francescu: E no dd’as torrau a biri? Alfredu: No ddu sciu. Poita at cambiau faci e imoi no ddu conòciu prus!
Ginettu est in su bar, ma ecu ca arribat s’amigu Venanziu Ginettu: Dai ca ti cumbidu. Ita bufas? Venànziu: No m’arrechedit nudda. Seu infuriau e delùdiu. Ginettu: Ita cosa? Venanziu: Apu certau cun pobidda mia po su pràngiu. M’at fattu beni su nervosu. Ginettu: E ita tiàulu t’at coxinau po ti fai beni su nervosu aici? Venanziu: Ia boli biri a tui! M’at cotu nervetus cun patatas!
Simoni est unu Sardu emigrau in Germania e conoscit una bella picioca Simoni: Dignorina ddu cumprendit s’Italianu? Sa tedesca: Si. Un pochino. Simoni: Cantu? Sa tedesca: Po cincuant’eurus!
Savina est in giru cun su pobiddu Misio Savina: Ddu bis cussu tipu imbriagu apogiau a su palu? Misio: Ge ddu biu, fradoccu est. No si poderat in peis e chi si nci stèsiat de su palu ci arruit a terra. Savina: Epuru, no parrit berus, ma est stètiu su piciocu miu, bint’annus fait e fut acanta de bessì pobiddu miu. Misio: insaras apu cumprèndiu, poita s’imbriagat ancora Savina: Diaderus? Naramiddu. Misio: Est ancora festegendi ca no s’est coiau cun tui!
Una giornalista in dd’unu tram est fadendi intervistas a sa genti Sa giornalista: (Rivolta a un signore seduto) Fostei, si bit una signora incinta, si ddu cedit su postu po dda fai sei? S’Intervistau: Nossi. Mancu po nudda. Sa giornalista: Si si podit nai duncas, ca foste siat pagu gentili. Mi podit spiegai poita no fait sei sa signora? S’intervistau: Est ca no ddu potzu fai a dda fai se sei a su postu miu! Sa giornalista: Poita no ddu podit fai. It’est invalidu? S’intervistau: Gràtzias a Deus no. Est ca seu s’autista de su tram!
Selminu andat a su dotori Selminu: Cantu ndi depu pigai de cussa pastìlias chi m’at donau? Su dotori: Po oi, una dònnia ot’oras. Selminu: E crasi cantu ndi depu pigai? Su dotori: Chi si ndi scidat, crasi ndi pigat scéti duas.
Frisiu est fueddendi in giru cun s’amigu Pinettu Pinettu:E insandus comenti ti andat sa vida? Totu beni? ti biu ca ses tzopu. E pobidda tua comenti stait? Frisiu: Ti depu scoviai ca podidda mia est bessia “il bastone della mia vecchiaia”. Pinettu: Biadu! Bolit nai ca dd’agiudat? Frisiu: Agiudai? No bolia nai ca su bastoni dònnia tanti mi ddu tzacat a sa schina!
Pinu e Linu funt sètzius in pratz’e scola candu bint passendi is duus fradis femellus Ginettu e Pepettu Linu: As bius comenti s’assimbillant Ginettu e Pepettu? Pinu: Eja. Ge ddu biu, ma segundu mei, Ginettu s’assimbillat de prus!
Rinucciu est discutendi de amoris cun su gopai Rimediu Rimediu: Ti potzu scéti nai ca deu in amori seu tropu sfortuna. Rinucciu: Poita naras aici, ita ti ddu fait pensai? Rimedi: Mi ddu fait pensai, ca si agatu una picioca o est coiada issa o seu coiau deu!
Duus càvurus s’incontrant Su primu càvuru: saludi comenti t’andat sa vida? Su segundu càvuru: Mali meda: Seu torrendi agoa.
Serafinu in su dotori Serafinu: M’increxit tropu sa conca. Ita mexina n mi consillat? Su Dotori: Pighit duus antidolorificus a primu mangianu, prima de si ndi scidai!
Pierucciu est fadendi su colòquiu cun su diretori po essi pigau traballai in dd’unu Supermercau Su diretori: Andat beni. Po mei est idoneu po intrai a traballai in su Supermercau nostru. Cantu iat a boli de stipèndiu? Pierucciu: Si mi ponit in uficiu milla eurus a su mesi. Su diretori: e si ddu pongu a sa cassa? Pierucciu: si mi ponit a sa cassa mi bastat cincuxentus a su mesi.
Marieddu est in macelleria Su macellàiu: Ita ti serbit? Marieddu: Donimì unu killu de prumoni po su pisitu. Ma no coment’e cussu de ariseu. Su macellàiu: Poita non andàt beni? Marieddu: Nossi. Poita babbu est abarrau a dolori de brenti totu sa di!
Giuliettu aincontrau s’amigu Frillucciu Frillucciu: Ma nara, pobidda tua, sunfrit ancora de sonnambulismu? Giuliettu: No! Imoi no prus Frillucciu: Bellu! Ita est sanada completamenti? Giuliettu: No. Nd’est arruta a terra de su dècimu pianu!
© Riproduzione riservata